مظفرنگر،04؍ مارچ (ایس او نیوز؍آئی این ایس انڈیا)شمال مشرق کی تین ریاستوں کے اسمبلی انتخابات میں پارٹی کی شاندار کارکردگی کے جشن کی تیاری کے دوران اتر پردیش کے مظفرنگر میں ضلع سطحی بی جے پی کے ایک رہنما بدھانا سنگھ کی دل کا دورہ پڑنے کے وجہ موت ہو گئی۔بی جے پی کے ضلع صدر روپیندر سینی نے بتایا کہ 54سال کے بدھانا سنگھ بی جے پی کی ضلع اکائی کے نائب صدر تھے۔تریپورہ، ناگالینڈ اور میگھالیہ کے انتخابات کے نتائج کے اعلان کے بعد جشن کی تیاری کے دوران کل شام پارٹی دفتر میں ان کی موت ہو گئی۔سینی نے بتایا کہ سنگھ کو علاقے کے ایک ہسپتال لے جایا گیا جہاں ڈاکٹروں نے انہیں مردہ قرار دے دیا۔آج ضلع کے ان کے آبائی گاؤں میں ان کی آخری رسومات ادا کی جائے گی۔